Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

   Хәбәрләр

Татарстанның иң яхшы авыл җирлекләренә һәм агросәнәгать комплексы хезмәткәрләренә дипломнар тапшырылды

02.03.2012

Республика конкурсына өч номинация буенча нәтиҗә ясалды.

Кичә Татарстан Дәүләт Советы Рәисе Фәрит Мөхәммәтшин «Иң яхшы авыл җирлеге», «Иң яхшы шәхси хуҗалык», «Иң яхшы гаилә фермасы һәм авыл хуҗалыгы кооперативы» номинацияләре буенча узган республика конкурсында җиңүчеләргә дипломнар һәм 50 мең сум күләмендә акчалата бүләкләр тапшырды.

Игенчеләр сараенда узган бүләкләү тантанасында Татарстан Премьер-министры урынбасары — авыл хуҗалыгы һәм азык-төлек министры Марат Әхмәтов катнашты.

Ф.Мөхәммәтшин билгеләп үткәнчә, Татарстанда авыл халкының эшчәнлек активлыгы туктаусыз үсә, биредә уңай динамика күзәтелә. Ф.Мөхәммәтшин фикеренчә, шәхси хуҗалыклар, гаилә фермалары һәм авыл хуҗалыгы кооперативларын үстерү буенча Республика программасы эзлекле үсеш кичерә. Алга таба аның перспективалары тагын да артачак, дип саный ул.

Программага ТР Президенты һәм республика Хөкүмәте тарафыннан ярдәм күрсәтелә, дип ассызыклады парламент башлыгы.

Ф.Мөхәммәтшин авыл халкының эшчәнлек активлыгының, 2010 елдагы корылык аларга җитди сынау булса да, тәгаен нәтиҗәләрен бирә башлавына игътибар юнәлтте. Крестьян-фермер һәм шәхси ярдәмче хуҗалыкларның элеккеге үсеш дәрәҗәсен саллы дәүләт ярдәме хисабына саклап калуга ирешелде, дип саный Ф.Мөхәммәтшин.

Парламент спикеры фикеренчә, әлеге программаның төп максаты авыл халкын эш белән тәэмин итү белән бергә, Татарстан авылларында элеккеге яшәү рәвешен һәм менталитетны саклап калу. Авылда халыкның күпмилләтле төркемнәре бергәләп яшәвен, шуның белән бергә әлеге халыкларның мәдәниятен, телен, гореф-гадәтләрен саклау да зур әһәмияткә ия.

ТР Премьер-министры урынбасары — авыл хуҗалыгы һәм азык-төлек министры Марат Әхмәтов чарада катнашучыларны язның беренче көне белән котлады. Ул авылдагы тормыш тәртибен саклаганнары өчен авыл җирлекләре башлыкларына рәхмәт белдерде.

М.Әхмәтов республика конкурсында җиңүчеләргә (алар барлыгы 110) эшләренең уңышлы баруын, яхшы керем алуларын һәм байлыклары артуын теләде. Ф.Мөхәммәтшин һәм М.Әхмәтов бәйгедә җиңүчеләргә дипломнар һәм 50 мең сум күләмендә акчалата бүләкләр тапшырды дип хәбәр итте «Татар-информ».



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
14.03.2012 Адресыбыз үзгәрде: хәзер безне эзләп табу өчен tatar-islam.com ны җыярга кирәк
07.03.2012 Иртәгә Самара җәмәгать транспортында гүзәл затлар бушлай йөри
07.03.2012 Чаллыда күзәтү камераларының файдасы булмаган
07.03.2012 Кояшта соңгы 7 айда иң көчле шартлау барлыкка килде
07.03.2012 Коръән яндыруның кайтавазы...

Сәхифәнең тулы тексты