Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

   Хәбәрләр

Төрмәдәге мөселманнар безнең ярдәмгә мохтаҗ

25.01.2012

Төрмәдә ислам динен кабул иткән рус егете Андрей Лозин суфийлар, салафитларның һәм төркемнәрнең кем икәнлеген белми, тик ул Коръәндә әйтелгән: «Хаклыкта, барлык мөселманнар кардәшләр» дигән сүзләрне белә, дип яза IslamNews редакциясенә төрмәдә утыручы мөселманнарның хокукларын яклаучы төркем әгъзасы Гөлнара Закирова. Гөлнара — төрмәдә утыручы Алмаз Хәсәновның хатыны.

«Туберкулез белән авыручы, Раббыбызга ышанудан тыш, акчасы да, элемтәләре дә булмаган Андрей Россиядәге тоткыннарның мәнфәгатьләрен яклаучылар белән бер сафта тора. Ул бүгенге көндә колонияләрдә мөселманнарга хәләл ризык бирелсен, «отбой»дан соң гыйбадәт кылырга комачауламасыннар, штраф изоляторына (ШИЗО) утыртмасыннар дигән таләпләр белән төрмә администрациясенә һәм туганнары, адвокатлар аша дәүләт җитәкчеләренә, хокук сакчыларына мөрәҗәгатьләр юллаучылар төркеменә кушылды», дип яза Гөлнара Закирова аның турында.

«Үзенең җитәкчеләргә кулай булмаган эшчәнлеге аркасында А. Лозин Якутск шәһәре янындагы ЛИУ-5 колониясе хезмәткәрләренең ачуына юлыкты. Аңа берничә тапкырлар янаганнан соң, хезмәткәрләр «спецназ» ярдәмендә мөселманны кыйнарга, аның Аллаһка ышануын мәсхәрәләргә тотыналар. Бигрәк тә ул ШИЗО камерасында утырганда, барлык диварларны «Аллаһтан башка иләһ юк!» дигән язмалар белән тутырганнан соң, аңа каты эләгә. Төрмә хезмәткәрләре аңа шәрә килеш калганчыга кадәр чишенергә кушалар. Ислам динендә гаурәтләрне чит кешеләргә күрсәтү тыелган дип җавап биреп, Андрей аларның бу таләбен үтәүдән баш тарта. Төрмә сакчылары аны җиргә егып салып, шәрә калдырганчыга хәтле барлык киемнәрен ертып бетерәләр», дип яза хатның авторы.

Гөлнараның сүзләренә караганда, Андрей Лозинның шикаятьләрен тиешле урыннарга җибәрмиләр, аның янына адвокатларны да кертмиләр. Андрей мондый чикләүләргә ризасызлык йөзеннән, ашханәдә әзерләнә торган ризыкны кабул итүдән баш тарткан. 2011 елның 30 декабреннән Андрей төрмәгә туганнары җибәргән кешеләр ризыгы белән генә туклана.

Хатының ахырында Гөлнара төрмәдә утыручы мөселманнарга булдыра алганча ярдәм итәргә чакыра. Моны электрон почта аша Григорьева Татьяна Игоревнага (Al-Kahhar@yandex.ru), яки 677000, Саха Республикасы (Якутия), Якутск шәһәре, 191 нче абонемент тартмасына мөрәҗәгать итеп эшләргә була.



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
14.03.2012 Адресыбыз үзгәрде: хәзер безне эзләп табу өчен tatar-islam.com ны җыярга кирәк
07.03.2012 Иртәгә Самара җәмәгать транспортында гүзәл затлар бушлай йөри
07.03.2012 Чаллыда күзәтү камераларының файдасы булмаган
07.03.2012 Кояшта соңгы 7 айда иң көчле шартлау барлыкка килде
07.03.2012 Коръән яндыруның кайтавазы...

Сәхифәнең тулы тексты