Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Дөнья

Казанга төрек дәрвишләре килә

24.05.2011

28 нче майда кичке алтыда Камал театрында тиңе булмаган концерт узачак. Чарага килүче һәркем тылсымлы йола — төрек дәрвишләренең серле биюенә шаһит була ала. Төрек дәрвишләренең Казанда беренче мәртәбә чыгыш ясавы.

Һәр бию — йола. Аның аша дәрвишләр Аллаһы Тәгалә белән «аралаша». «Аралашу» дәрвишнең, башын уңга кырынайтып, ике кулын гарәпчә «ләм» хәрефе ясап күтәрүеннән гыйбарәт. Йола вакытында тән «Лә илләһә иллаллаһ» («Аллаһтан башка тәңре юк») дигән сүзләрне чагылдыра. Дәрвишләр әйләнә башлыйлар, әкренләп тизлек арта. Озын ак күлмәкләренең җилфердәп торган итәкләре тизрәк хәрәкәтләнергә мөмкинлек бирә. Җилфердәү аэродинамик эффект тудырганлыктан, дәрвиш үзен җиңелрәк дип хис итә. Җилфердәгән итәк шартлы мәгънәгә дә ия: ул дәрвишнең «үзеннән аерылуын» белдерә.

Биючеләрнең хәрәкәтләре бертөрле, йөзләре, мәрткә киткән кешенеке сыман, бернинди хис белдерми. Әмма ак итәкләрнең җилфердәп бер урында әйләнүе, салмак, ягымлы төрек көе белән үрелеп, тамашачыга сихри тәэсир ясый. Тамашачы, алар белән бергә «үзәннән аерылып», тулысынча ишеткән һәм күргәненә чума.

Дәрвиш (фарсыча — ярлы, хәерче) — аскет, суфый, имче, тәнне һәм җанны сихәтләндерүче, сихри көч иясе. Дәрвишләр тәгълиматының нигезендә кешенең сихри экстаз аша Аллаһы Тәгалә белән турыдан-туры аралашу идеясе ята. Бу сүзсез генә күзәтү, үз эчеңә төбәлү дә, җыр, көй, йола биюләре белән кушылган кычкырып ялвару да булырга мөмкин. Дәрвишләр орденнары Төркиядә генә түгел, Пакыстанда, Һиндстан, Индонезия, Иран һәм Африканың кайбер илләрендә дә бар.

Казанда дәрвишләр Төрки халыкларның X «Нәүрүз» халыкара театр фестивале ачылыр алдыннан чыгыш ясаячак. Фестиваль 30 нчы майдан 3 нче июньгә кадәр уза.



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
18.05.2011 Себердән Төркиягә һиҗрәт: Бөрүдәлик авылы тарихы
26.04.2011 Нугайларның күпчелеге татар булып языла
25.04.2011 Федераль Сабантуйны каршылап
21.04.2011 Татарлар Америкада
21.04.2011 Кәгъбә һәм фил

Сәхифәнең тулы тексты