Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Мәкаләләр

Максат-морадларың тормышка ашсын, Рамазан!

08.09.2011

58,66 KbӘстерхан өлкәсендәге Югары Баскынчак авылыннан Казандагы Тернәкләндерү үзәгенә Коръән укырга өйрәнү өчен килгән беренче төркем инвалид Рамазан Морзашев 26 яшьтә генә булуга карамастан, тормышның ачысын-төчесен күп татыган, кем әйтмешли, бормалы сукмаклардан шактый атлаган егет булып чыкты. Шулай да ул күңел төшенкелегенә артык бирелмәгәнгә күрәме, Аллаһ аңа олуг нигъмәтен — изге китапны укый алу сөенечен бирә.

Хәер, һәммәсен дә рәттән сөйлик әле. 1985 елда казах милләтеннән булган Амангилде һәм Аймак гаиләсендә дөньяга килгән Рамазанга Аллаһның сынауларын күп узарга туры килә. Баланың 4 яшендә чагында ук күрәкарау булганлыгы ачыклана. Аңа бәләкәй чагыннан ук күзлек киеп йөрү насыйп була. Мондый кешеләргә күзләрен нык сакларга кирәк, ягъни алар авыр әйберләр күтәрмәскә, күп укымаска, күзләргә киеренкелек тудырмаска тиеш. Тик алда Рамазанны тагын да зуррак бәла көткән икән. 1999 елда аның сул күзен җәрәхәтлиләр. Волгаградта ясалган операция уңышсыз чыга. Шулай да Рамазан әле ул чакларда уң күзе белән шактый әйбәт күрә.

Егет 2002 елда Әстерхан дәүләт университетының экология бүлегенә укырга керергә җыена. Әмма, кызганыч ки, аның бу ниятен дә тормышка ашыру насыйп булмаган икән. 3 июльдә зур өметләр белән яшәгән Рамазанның хыяллары чәлпәрәмә килә. Иртәнге сәгать 5 тә Актүбә каласына поездда килгән егеткә хулиханнар һөҗүм итә. Рамазан үзе дә төшеп калганнардан түгел, анысы. Әмма көчләр һич тә тигез түгел. Аның күз төпләре күгәреп чыга. Бигрәк тә уң күзенә нык эләгә. Анда кара таплар барлыкка килә. Вакытлар узуга карамастан, алар юкка чыкмыйлар. Җирле табибларга мөрәҗәгать итәргә туры килә. Алар исә кичекмәстән егетне Мәскәүгә озаталар. Россиянең башкаласында ясалган операция дә Рамазанга булышмый, киресенчә, ул икенче күзен дә югалта.

«Баштарак әле бераз әйберләрне шәйли идем. Кисловодск медицина көллиятенә укырга кереп, анда 2 ел хәтта күрүче буларак укыдым. Әмма 2006 елдан инде күрү сәләтемне бөтенләй югалттым, дөм сукырга әйләндем»,-дип көрсенеп куйды Рамазан. Шулай да тырыш һәм сәләтле егет КМКне гел «5» ле билгеләренә генә тәмамлый, кызыл дипломны алуга ирешә. Массажист һөнәрен үзләштергән егет бераз Астанада, аннары Мәскәүдә эшләгәч, туган якларына кайтып, Түбән Баскынчак авылындагы санаториягә массажист булып эшкә урнаша. Анда 1 ел буена бу вазифаны башкара. Әлбәттә, моның никадәрле авыр хезмәт икәнлеген бер Аллаһ һәм Рамазан үзе генә беләдер. 2008 елда исә Рамазан Волоколамскидагы Тернәкләндерү үзәгенә ял итү максаты белән юл тота. Шунда чагында ул Брайльчә укырга, язарга, гитарада уйнарга өйрәнә.

«Мин әле ул чакларда ислам диненнән ерак идем. Аннары 2009 елда дингә кайткач, гитарада уйнавымны ташладым. Ник дигәндә, музыка иманны зәгыйфьләтә»,-дип үзенең фикерен белдерде Рамазан. Аннары ул: «Бәлки Аллаһы Тәгалә мине «Сөләйман»га килер алдыннан алдан махсус рәвештә Волоколамскига җибәреп, Брайльчәне өйрәткәндер. Чөнки Коръәнне укырга өйрәнгәндә ул миңа бик ярап куйды»,-дип тә өстәде.

Дөрес, ислам диненә кайту аңа җиңел бирелми. Ник дигәндә, иң якын туганнары да моңа каршы төшә. Җитмәсә, бөтен дөнья буйлап исламга каршы көрәш җәелгән чорлар була бу. Шулай да Рамазан үзенә ислам диненең уңай йогынтысы булуын сизә, ул тынычланып кала, үзенең күзләре күрмәүгә дә башкача карый, дөресрәге, бүтән төрле фикерли башлый.

Хәзерге вакытта аңа инде массажист һөнәре дә ошамый икән. «Башка һөнәрем булмаганга күрә генә мин әле дә массажист булып эшләргә мәҗбүр. Ә югыйсәм берәр мәчеттә мөәзин вазифасын башкарып, диенебезгә хезмәт итәр идем»,-ди Р. Морзашев. Моның өчен ул киләчәктә Казандагы Ислам көллиятенә укырга керергә хыяллана икән.

Ә безгә исә ниятләрең фәрештәләрнең амин дигән сәгатенә туры килсен, максат-морадларыңны тормышка ашыру насыйп булсын дип кенә теләргә кала аңа.

Хатыйп ГӘРӘЙ

Рәсемдә-Рамазан Морзашев (сулда) белән Фәнис Мингәрәев шашка уйный.



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
07.03.2012 Кеше рәнҗеше кайчан да бер төшә
29.02.2012 «Фатыйх 1453»: Төркия тарих аша киләчәген билгели
24.02.2012 Венера апа Хәлиуллина: «Бәхетемне «Сөләйман» мәчетендә таптым»
20.02.2012 Су буендагы фаҗига яки «Димкәй" нигә югалды?
16.02.2012 Игорь Севрюгин: «Миңа татар теле кирәк!»

Сәхифәнең тулы тексты