Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Мәкаләләр

Татарстан Диния нәзарәте журналистлар өчен ифтар уздырды

24.08.2011

200,83 KbКичә Казанның Лобачевский урамындагы 4 нче йортта, ягъни «Ностальгия» кафесында Татарстан мөселманнары Диния нәзарәте әһелләре журналистлар өчен авыз ачу мәҗлесе үткәрде. Әлеге чарага мөфти Илдус хәзрәт Фәиз җитәкчелегендәге Татарстан Диния нәзарәте вәкилләре һәм дүрт дистәдән артык каләм ияләре килгән иде.

Алар арасында радио — телевидение, газета — журналларда эшләүчеләр, дин темасына язучы каләм әһелләре бар иде.

Ифтар мәҗлесе башланыр алдыннан 11 журналист Диния нәзарәтенең элекке матбугат сәркатибе, «Ислам info» ҖЧШ «Медиа төркеме» җитәкчесе урынбасары Әхмәт Халиков имамлыгында ахшам намазын укыды.

Каләм ияләре алдында мөфти Илдус хәзрәт Фәиз чыгыш ясады. Аның сүзләренчә, дин әһелләренең дә, журналистларның да максаты бер. Ул кешеләрне әдәпле — әхлаклы итеп тәрбияләүдән гыйбарәт.

«Аллаһы Тәгалә безгә Рамазан аен бүләк итеп бирде. Ул — сынау буларак та, сабырлыкны, бер-беребезгә карата хөрмәтне күбәйтә, ризыкны арттыра торган ай буларак та, безгә зур файда китерә торган ай»,-диде Илдус хәзрәт. Бу айда күп итеп изге гамәлләр кылу хуплана. Ураза кешенең тормышына бәрәкәт иңдерә, Раббыбызга гыйбадәт кылганда берләштерә. Чакырылган кешеләргә ифтар мәҗлесләренә бару мәслихәт, чөнки Пәйгамбәребез: «Чакырылсагыз — барыгыз»,-диде.

Илдус хәзрәт журналистларның, беренче чиратта, Аллаһ каршында, аннары җәмгыять, хәтта киләсе буыннар алдында зур җаваплы булулары турында сөйләде. Матбугатта дөньяга чыккан бер ялгыш яки яхшылап уйламыйча бирелгән кечкенә генә хәбәр кешеләрне талаштырырга, хәтта сугыштырырга да мөмкин. «Әгәр җәмгыятьтә ниндидер негатив бар икән, аны шулай итеп тәнкыйтьләргә кирәк, теге кеше төзәлү юлына бассын. Әгәр позитив бар икән, коры мактауга гына кайтып калмасын, аннан башкалар да үрнәк алырлык булсын. Безнең максат — җәмгыятебезне берләштерүдән гыйбарәт»,-диде мөфти хәзрәтләре.

Билгеле булганча, быелгы Кадер кичәсе 26 августтан 27 сенә каршы төнгә туры килә. Бу вакыйга уңаеннан, Татарстан Хөкүмәте Ярминкә мәйданында тәүге тапкыр ифтар мәҗлесе үткәрә. Илдус хәзрәт ураза тоткан кешеләрне дә, тотмаучыларны да, намаз укучыларны һәм укымаучыларны да 26 сындагы ифтар мәҗлесенә чакырды.

Быелгы Рамазан ае гаете — 30 августка -Республика көненә туры килә. Ул Президентыбыз тарафыннан ял көне дип игълан ителде. Мөфтинең сүзләренчә, төп гает намазы Казандагы «Мәрҗани» мәчетендә укылачак. Аңа тарихта беренче тапкыр Татарстан Президенты да килер дип көтелә.

«Илбашының мәчеткә килеп, мөселманнар белән бергәләп, кул күтәреп, дога кылуы — безнең өчен зур вакыйга. Мөселманнар өчен бу бик мөһим. Әлеге мәрасим тормышыбызга әйтеп бетергесез бәрәкәт, һидәят китерер», — диде Илдус хәзрәт һәм журналистларны да гает чараларына чакырды.

Ифтар мәҗлесендә журналистларга да сүз бирелде. Фотохәбәрче Габделрәфыйк хаҗи Әминов, «Ватаным Татарстан» һәм «Шәһри Казан» газеталары баш мөхәррирләре Миңназыйм Сәфәров, Мансур Мортазин һәм башкалар динебезне үстерү юлындагы киңәшләре белән уртаклаштылар, ифтар мәҗлесен оештыручыларга олуг рәхмәтләрен белдерделәр.

Хатыйп ГӘРӘЙ



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
07.03.2012 Кеше рәнҗеше кайчан да бер төшә
29.02.2012 «Фатыйх 1453»: Төркия тарих аша киләчәген билгели
24.02.2012 Венера апа Хәлиуллина: «Бәхетемне «Сөләйман» мәчетендә таптым»
20.02.2012 Су буендагы фаҗига яки «Димкәй" нигә югалды?
16.02.2012 Игорь Севрюгин: «Миңа татар теле кирәк!»

Сәхифәнең тулы тексты