Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Мәкаләләр

Аллаһының рәхмәтләре яусын

23.08.2011

Без, Казанның Левченко бистәсендә яшәүчеләр, ай буена ураза тотучылар, авыз ачканнан соң, тәравих намазын укучылар, заводта авыр эшләр башкарып, гарипләнеп, пенсиягә чыккан карт-карчыклар исеменнән, шул бистәнең көзгесе булган «Сөләйман» мәчетендә бихисап зур гамәлләр кылучы имам-хатыйп Илдар хәзрәт Баязитов һәм Мәликә Гыйльметдиновага, шундагы кешеләргә күчтәнәчләр таратучы шәһәребез мэры Илсур Метшинга үзебезнең олуг рәхмәтләребезне белдерәбез. Озакламый миңа 84 яшь тула.

Үземнең 60 ел гомеремне шушы бистәдә үткәрдем. Мин бистәдә мәчетебез булуга чиксез куану хисләре кичерәм.

Хак Тәгаләгә гыйбадәт кылу йорты барлыкка килгәннән соң, бистәдә күп эшләр башкарылды. Мәчеттә Россиянең төрле төбәкләреннән килүче күзләре күрмәүчеләргә Брайльчә дин сабаклары укытыла, мәктәпләрдә җәйге каникуллар башлануга балаларга ял итү лагерьлары оештырыла. Анда аларга дин тоту кагыйдәләре өйрәтелә, Казанның истәлекле урыннары күрсәтелә. Бу гамәлләр белән Мәликә ханым Гыйльметдинова шөгыльләнә. Гомумән, бистәбездә мәчет гөрләп эшли, Аллага шөкер.

Рамазан аендагы тәравихка, җомга намазларына мәчетләребезгә күп кеше йөри. Бигрәк тә яшьләрнең күп килүләре куандыра. Чөнки киләчәгебез яшьләр кулында.

Адәм баласының барлык изгелеген — намаз укуын, хәер бирүен, игелек кылуын Раббыбыз күреп тора. Болар барысы да кешенең үзе өчен. Ә менә ураза тоту Хак Тәгалә өчен. Кеше ураза тотуның әҗерен үзе күрә.

Илебездә киләчәктә дә тынычлык, иминлек дәвам итсен, барлык мәчетләребездә азан авазы яңгырап, кешеләрне намазга чакырып торсын.Ә мәчетнең имамы Илдар хәзрәт Баязитовка, Мәликә Гыйльметдиновага, Казан мэры Илсур Метшинга изгелекләре өчен Аллаһының рәхмәтләре яуса иде.

Зәйтүнә ХӘЙРУЛЛИНА



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
07.03.2012 Кеше рәнҗеше кайчан да бер төшә
29.02.2012 «Фатыйх 1453»: Төркия тарих аша киләчәген билгели
24.02.2012 Венера апа Хәлиуллина: «Бәхетемне «Сөләйман» мәчетендә таптым»
20.02.2012 Су буендагы фаҗига яки «Димкәй" нигә югалды?
16.02.2012 Игорь Севрюгин: «Миңа татар теле кирәк!»

Сәхифәнең тулы тексты