Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Мәкаләләр

26 августта җөмһүриятебез күләмендә тәүге ифтар мәҗлесе

16.08.2011

26 августта Казанда беренче тапкыр республика күләмендә ифтар мәҗлесе узачак. Анда башта өч мең кешене чакыру ниятләнгән, әмма беренче тапкыр булганга, бер меңдә тукталганнар. Ифтардан соң, «Кол Шәриф»тә махсус чара каралган.

Татарстан Президенты каршындагы дин эшләре идарәсе башлыгы җитәкчесе Марат Гатин әйтүенчә, бу республика өчен яңа әйбер һәм аны уздыру башлангычы белән Татарстан мөселманнары Диния нәзарәте чыккан.

«Беренче тапкыр гына булганда, без аны бер җирдә — Казанның Ярминкә мәйданында гына үткәрергә булдык. Хәзерге вакытта бу чараның оештыру комитеты аны уздыру нечкәлекләрен хәл итә», - ди ул.

«Рамазан-2011» мәҗлесен оештыруны Президент Рөстәм Миңнеханов хуплавы белән республиканың барлык оешмалары киңәшләшеп хәл иткән. Интернетта бу чарага Татарстан Президенты үзе дә киләчәк дигән сүзләр таралса да, Гатин әлегә аны расламады.

Татарстан мөфтие Илдус хәзрәт Фәиз исә Миңнехановтан тыш, чакыруларның элекке Президент Миңтимер Шәймиев һәм парламент рәисе Фәрит Мөхәммәтшинга да җибәрелүен әйтте. Аларның ислам диненә карата битараф булмавы төрле гамәлләрдә күренүен әйтте.

Ул әлеге чараның хөкүмәт белән берлектә уздырылуын уңай хәл буларак бәяләде. Хакимият исә оештыру мәсьәләләрендә ярдәм итсә дә, барлык финанс ягын мөселман эшмәкәрләре үз өстенә алган.

Илдус хәзрәт сүзләренчә, чара «Кол Шәриф» мәчетеннән башланып китәчәк. Башта анда килгән халыкка вәгазь сөйләп, намаз укылганнан соң, Ярминкә мәйданына ифтар ашына төшәчәкләр. Анда шулай ук кыска-кыска вәгазьләр сөйләү күздә тотыла. Барлык эшләрдә дә волонтерлар, аерым алганда, мөфтият каршында эшләүче мөселман яшьләре оешмасы вәкилләре ярдәм итәчәк.

«Календарь нигезендә ул көнне Кадер кичәсе, шуңа без тәравихтан соң «Кол Шәриф»тә бераз гына чара үткәрергә дә ниятлибез. Анда вәгазьләр, мөнәҗәтләр, шулай ук тәсбих намазы кылыначак. Мөмкинлек булса, бу чараны барлык татар дөньясына күрсәтергә телибез. Шул уңайдан ярдәм итүне сорап, «Татарстан Яңа Гасыр» телевидениесенә мөрәҗәгать иттек. Татар мөселманнарының мәркәзе булган Казанда шундый зур чараны үткәрүгә бөтенебез дә кушылырга тиешбез. Быел бит бу эшкә дәүләт белән бергәләп тотындык. Ураза гаете дә рәсми рәвештә бәйрәм буларак кабул ителде. Җитәкчеләр дә гает намазына килеп, халык белән бергәләшеп бәйрәмдә булыр дип өметләнәбез», - ди ул.

Мөфтинең әйтүенчә, ифтар мәҗлесенә дә башта өч мең кеше чакырмакчы булганнар. Ләкин беренче тапкырга курыкканнар.

«Киләсе елга инде, Аллаһ боерса», - ди ул.

Марат Гатин исә килгән кешене кире борып җибәрмәскә тырышачакларын әйтә.

«Анда бер төркем кеше чакырыла, әмма килгән кешене кире җибәрмәү өчен төрле вариантлар карала», - диде ул дип хәбәр итте "Азатлык.орг".



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
07.03.2012 Кеше рәнҗеше кайчан да бер төшә
29.02.2012 «Фатыйх 1453»: Төркия тарих аша киләчәген билгели
24.02.2012 Венера апа Хәлиуллина: «Бәхетемне «Сөләйман» мәчетендә таптым»
20.02.2012 Су буендагы фаҗига яки «Димкәй" нигә югалды?
16.02.2012 Игорь Севрюгин: «Миңа татар теле кирәк!»

Сәхифәнең тулы тексты