Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Мәкаләләр

Бүген «Сөләйман»га Германиядән Коръәнхафиз килде

13.08.2011

Бүген Казандагы «Сөләйман» мәчетенә Германиядән Коръәнхафиз Рәмзи Әр килде һәм биредә 1 айлык курсларда белем алучы күзләре күрмәүчеләр белән очрашты. Тәрҗемәче Хәйдәр хәзрәт Камалетдинов исә аның сүзләрен татарча һәм русчага әйләндереп барды.

Рәмзи әфәнде чыгышы белән Төркиядән икән. Бер кеше аннан ни өчен ул туган якларын калдырып, Германиягә китеп баруы турында сорагач, аңа адәм баласын тәкъдире йөртүе хакында әйтте.

«Коръәнне уку ул — Аллаһ белән сөйләшүгә тиң. Изге китапның бер хәрефен генә укысаң да, үзеңә зур савап аласың. Күз алдына китерегез: әгәр кеше андагы сүзне, аятьне, сүрәне укыса, үзенә никадәрле савап алачак»,-диде Рәмзи әфәнде. Аннары Коръәнхафиз Рәмзи әфәнде Тәүрат белән Инҗилне яттан белүчеләрнең булмавы, ә Коръәнне яттан сөйләүчеләрнең күп булуын ассызыклады. «Бу исә Аллаһының могҗизасы түгелмени?»-дип нәтиҗә ясады Европада танылу алган Рәмзи әфәнде.

Коръәнхафизга Арчадан укырга килгән Илгизәр Хөсәенов татарча кызыклы гына сорау бирде. Ул: «Мин ике тапкыр Коръәнне китаптан укып чыктым, тик аның эчтәлеген аңламыйм бит. Ничек инде мин Аллаһ белән сөйләшкән булам?»-диде. «Сез аңламасагыз да, Аллаһ сезне аңлый. Күбрәк укыган саен изге китапны да күбрәк аңлый барырсыз. Хәзер инде Коръәннең тәфсирләре күп бит»,-дип җавап бирде аңа Рәмзи әфәнде. Кунакның сүзләренчә, Коръәнне укыган кешегә дә, аны хәтем чыгарга сораган инсанга да савабы була икән. Хәтта камил тәһарәт алып, изге китапны кулына алган кешегә дә савап языла.

Коръән — Аллаһының нуры, кыямәткә хәтле аны Раббыбыз Үзе саклаячак. Хак Тәгалә Җиргә пәйгамбәрләрнең җисемнәрен үзенә алуны, ягъни черетүне тыйды. Коръәнхафизлар да шундый ук дәрәҗәдәге кешеләр икән. Рәмзи әфәнденең сүзләренчә, кеше Аллаһның кушканнарын үтәп, тыйганнарыннан тыелса һәм көн саен Коръәнне укыса, андый бәндәләрен Раббыбыз фани дөньяда ук зур дәрәҗәләргә күтәрә.

Коръәнхафизга Чечнядан, Дагыстаннан, Башкортстаннан килгән кардәшләребез дә сораулар бирде, ул исә бер генә сорауны да җавапсыз калдырмады. Очрашуның ахырында Рәмзи әфәнде күзләре күрмәүчеләргә бер үтенеч белән мөрәҗәгать итте. «Безне үзегезнең догагыздан калдырмасагыз иде»,-диде ул. Ник дигәндә, кыерсытылганнарның догалары кабул булучан.

Хаҗип ӘХМӘТША



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
07.03.2012 Кеше рәнҗеше кайчан да бер төшә
29.02.2012 «Фатыйх 1453»: Төркия тарих аша киләчәген билгели
24.02.2012 Венера апа Хәлиуллина: «Бәхетемне «Сөләйман» мәчетендә таптым»
20.02.2012 Су буендагы фаҗига яки «Димкәй" нигә югалды?
16.02.2012 Игорь Севрюгин: «Миңа татар теле кирәк!»

Сәхифәнең тулы тексты