Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Мәкаләләр

Ислам илләре яшьләре «Сәләт-Биләр» фестиваленә киләчәк

03.08.2011

Киләсе елга Татарстандагы «Сәләт-Биләр» фестиваленә Ислам конференциясе оешмасына караган яшьләрнең килүе көтелә. Татарстан Президенты аны Селигер җәйләве рәвешендә уздырырга киңәш иткән.

Татарстаннан Студентлар лигасы башлыгы һәм ике КФУ студенты Истанбулда узган «Ислам конференциясе оешмасының халыкара моделе» утырышында катнашып кайтты. Аны Ислам Конференциясе оешмасы яшьләр форумы оештырган. Билгеле булганча, Татарстаннан «Сәләт» бу оешманың вәкиле булып тора һәм төрле чараларда катнашып килә.

Киләсе елда ислам илләре яшьләренең күпләп Татарстанга килүе көтелә. Алар «Сәләт-Биләр» фестивалендә катнашачак. Истанбулда конференциядә булып кайткан «Сәләт» проектлары координаторы Тимур Сөләйманов әйтүенчә, башта яшьләр форумы җитәкчеләре генә килер дип күздә тотылган. Ләкин алар күбрәк яшьләрне чакырырга тәкъдим иткән.

«100гә якын катнашучыны җибәрәбез, диделәр. Быел бит «Сәләт-Биләр» фестивалендә Татарстан Президенты Рөстәм Миңнеханов үз дә катнашкан иде, ул республикакүләм Селигер оештырам, дип әйтте», - ди Сөләйманов.

Гомумән, «Сәләт» Ислам Конференциясе оешмасы белән 2007 елдан бирле хезмәттәшлек итә. Бу көннәрдә узган конференциядә дә алар Россияне тәкъдим иткән. Анда 27 илдән йөзгә якын вәкил катнашкан.

«Фәләстин белән Израиль, Таулы Карабах, Ливия мәсьәләләре турында сөйләштек. Һәр катнашучы үз илен тәкъдим итте. Без барлык чараларда да Россия карашын аңлаттык. Фәләстин белән Израильне алганда, бу инде Ислам Конференциясе оешмасы булгач, алар 100% Фәләстин ягында тора. Россиянең позициясен карасак, шулай ук Фәләстин яклы», - ди Тимур.

Аның сүзләренчә, монда шулай ук ислам илләре икътисадын күтәрү турында да фикер алышканнар. Бигрәк тә фән ягын үстерү мөмкинлеге каралырга тиеш дигән карашка килгәннәр.

«Европаны алсак, аның икътисады күпкә көчлерәк. Ислам илләрендә нефть, газ бар, әмма фән ягы аксый. Ешрак конференцияләр уздырырга кирәк. Бер-беребезгә ныграк ярдәм итү өчен ислам илләрендә ясалган ризыкларны күбрәк сатып алыйк дигән тәкъдим дә булды», - ди Тимур дип яза "Азатлык.орг".



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: tatar-islam.ru

Все новости раздела





Башка хәбәрләр:
07.03.2012 Кеше рәнҗеше кайчан да бер төшә
29.02.2012 «Фатыйх 1453»: Төркия тарих аша киләчәген билгели
24.02.2012 Венера апа Хәлиуллина: «Бәхетемне «Сөләйман» мәчетендә таптым»
20.02.2012 Су буендагы фаҗига яки «Димкәй" нигә югалды?
16.02.2012 Игорь Севрюгин: «Миңа татар теле кирәк!»

Сәхифәнең тулы тексты